Dimme dimme a chi pienze assettata

sola sola addereto a sti llastre

nfaccia 'o muro 'e rimpetto

..stampata

veco n'ombra è chest'ombra si tu

Fresca è 'a notte 'na luna

..d'argiento

saglie 'ncielo e cchiù ghianca

..addeventa

e nu sciato ogne tanto d''o viento

mmiez' a st'aria se sente passà

Ah che notte, ah che notte

ma pecché nun t'affacce

ma pecché, ma pecché mme ne cacce

Catarì senza manco parlà

Ma ce sta nu destino

e io ce crere e ce spero

Catarì nun è overo

tu cuntenta nun si'

Catarì, Catarì  tu cuntenta nun

..si'

............... tu cuntenta nun

..si'

Catarì, Catarì mm'è lassato

tutto nzieme st'ammore è fernuto

tutto nzieme t'è scìveto a n'ato

mm'hè 'nchiantato e mm'hè ditto

..bonnì

E' a chist'ato ca mo tu vuò bene

staie penzanno e scetata

..ll'aspiette

ma chist'ato stasera nun vene

e maie cchiù t''o ddich'i' venarrà

No, nun vene, nun vene

l'aggio visto p''a strada

cammenà core a core cu n'ata

e rerenno parlaveno 'e te

Tu si' stata traduta

tu si' stata lassata

tu si stata 'nchiantata

Pure tu, pure tu...

Catarì, Catarì tu cuntenta nun si'

.............. tu cuntenta nun si'